"MARS SI RADJA PANDJAITAN"

Si Radja Panjaitan, Ompu Parsadaan i
Hasian ni amana, Tuan Dibangarna i.
Haholongan ni Ompu i, Sibagot ni Pohan i,
Si Radja Pardame, Radja Pardame i.
"OMPUNTA RADJA PARDAME I"


Si Radja Pandjaitan, Radja sipardame i,
Hela ni Hasibuan, na lambok malilung i,
Parboras nilahean, si pitu hallungan i,
Siboru hasian, Ompungta boru i
"NA LAMBOK MALILUNG I"


Anak Panggoaranna, Datu na sumurung i,
Ima Radja Situngo, sitorop pomparan i,
Sahala-Tua-Radja, di Radja Sidjorat i,
Sahala samarga, Radja Sidjorat i,
"OMPUNTA NA MARSAHALA I"


Ompunta Pandjaitan, anak buha-badju i,
siopat sabutuha, Tuan Dibangarna i,
Sampulu pitu marga, namarhaha anggi i,
Sibagot ni Pohan, Ompu ni Ompu i,
"RADJA SIBAGOT NI POHAN I"


Onan Radja Balige, Lobu Parserahan i,
Tano Hagodanganna, huta hatubuan i,
Marsada Pomparanna, padjongdjong Tuguna i,
Dibona pasogit di Onan Radja i,
"PARTANDA NI POMPARANNA I"


Pomparan ni Ompunta, saihoras ma sasude,
Anakna nang boruna, bere, haha-anggi pe,
Sude anggi dolina, tulang, hula-hula pe,
Nang boru ni ari, pariban pe sude.
"MARTUA, HORAS, SAI HORAS BE"


Asi roham o Tuhan, Pasu-pasu hami on,
Pandjaitan marsada, horas tu djoloan on,
Sahata, saoloan, sauduran ma tongtong,
Marsada ni roha, mangihuttpn lomom,
"MARSADA TONGTONG TU DJOLO ON"

TUGU RADJA PANJAITAN

Cpt: Gr.E.Pandjaitan